گئجه گزه رکن 

  گئجه نی گزیب، 

  ايسينمک اوچون ايستي بير يئر آختاریرکن، 

  او يانيمدان کئچنده، دئديم: 

   " هئي، کيپريکلرينده قار دنه جيکلري وار "  

  و او گوله رک: 

   " قار دئييل... "  

   " تانري نين گؤيده سيلکه ديگي باليشدان تؤکولن پرقولاردير "  - دئدي. 

  و گولومسه ین دوداقلاريني آچدي، 

  تاکي بير قار دنه جيگيني اوفورسون. 

  و ايکيميزده گولدوک 

  سونرا گؤزلرينه باخديم، 

  و گؤزلري يئنه ايسينه جگيم يئر ايدي... 

  شل سيلوراستاین 

   " باغيشلايان آغاج " ،  " يوخاري دوشمک "  و  " چارداقدا ايشيق "  و س. کيمي پوپوليار اوشاق کيتابلاري اوچون دونيا شؤهرتيني قازانميش  "شل سيلوراستاین"  گئرچکدن يونيکال و چوخ يؤنلو صنعتکار ايدي؛ او مشهور شاعير، دراماتورق، ايللوستراتور، سسئناريست و نغمه کار شاعير ايدي. شل سيلوراستاین  بوتون عصرلرين ان پوپوليارلاريندان و اوشاقلارين ان چوخ سئوديگي يازيچيلاردان بيري اولاراق بوتون دونيادا 10 ميليونلارجا اوخوجونو حئيران ائتميشدير. 

  داهي " Sheldon Allan Silverstein" سئنتيابر 25، 1930-دا شيکاگودا آنادان اولموشدور. آنجاق بير آز اؤزو باره ده دانيشماغي سئوه ردي. 1975-ده  "Publishers Weekly"_يه،  « من اوشاق ايکن، چوخ ياخشي بير بئيسبول اويونچوسو ياخود قيزلارين به ينديگي بيريسي اولماق ايسترديم، آرتيق نه بئيسبول نه ده رقص باجارا بيلمه ديم. بونا گؤره رسم چکمک ایله يازماغا باشلاديم. تقليد ائده جگيم ياخود اوندان تاثيرلنه جگيم کيمسم اولماديغي اوچون چوخ شانسلييديم و اؤز ایستيليمي اينکيشاف ائتديرديم »  دئميشدي. 1950-لرده ياپونييا (ژاپن) و کورئيادا (کره) عسگر اولاندا  "Pacific Stars and Stripes"  خبرنامه سي نين يئتيشکن اوخوجولاري اوچون ايلک کاريکاتورالاريني چکیر. همچينين گيتارا چالماغي و ماهني يازماغي اؤيره نیر و ایستئعدادی اوزه چیخماغا باشلاییر؛ سونرالار Johnny Cash  اوچون  " A Boy Named Sue  (سو آدلانان بير اوغلان) "  و Dr. Hook اوچون ايسه  "The Cover of the Rolling Stone "  کيميلريني ياراداجاق بير ايستئعداد. 

  شل سيلوراستاین هئچ واخت اوشاقلار اوچون يازماغي قرارا آلماميشدي - اوشاقلار اوچون يازديغي کيتابلارين قيسا زامان ايچينده بوتون دونيانين 30-دان چوخ ديلينه چئوريلمه سي صنعتکاری تعجوبله نديرير. 1960-لارين اوللرينده، شئل_ين دوستو، اوشاقلار يازيچيسي  " Tomi Ungerer"  کي اؤز کاريئراسي نين(1) چيچکله نميش دؤورونو ياشاييردي، اونو اؤز رئداکتورو اورسولا نوردئستروم ايله تانيش ائدر. 1964-ده نشر اولونان  " باغيشلايان آغاج "  بو تانيشليغين (علاقه نين) نتيجه سي ايدي. کيتاب اوولجه ائله چوخ ساتيلمادي، آنجاق چوخ چکمز، بير اوغلان و آغاج حاقيندا ظريف اخلاقي حيکايه بوتون ياشلاردا اوخوجولاري حئيران ائدر، وکيللر و موعليملر طرفيندن اوخونولماسي تکليف اولونار و مؤوعيظه مينبرلريندن اوجادان اوخونولماغا باشلار. بو کيتابين ايلک نشريندن سونراکي اون ايلليک لرده، 5 ميليون ياريمدان چوخ نوسخه سي ساتيلميشدير.  " باغيشلايان آغاج "  داييمي ياخشي ساتيلانلار سيياهيسي نين باشلاريندا داييمي يئر آلميشدير. 

  (Ani) کلاسيک اثري کيمي اعلان ائديلن ايلک پوئمالاري (شعر) توپلوسو  " سه کي  قورتاران يئر "(2)  1974-ده نشر ائديلير. پوئمالاري و رسملري سفيل ذکالي، حؤرمتسيز مودريکليگي و ظريف اوره کليگي اوچون اؤيولوردو. داها ايکي نؤوبتي توپلولاري،  " چارداقدا ايشيق (1981) "(3)  و  " يوخاري دوشمک (1996) "(4) ، هر ايکيسي ده آيلارجا بئستسئللئر-لر سياهيسي نين باشيندا يئر آلديلار. چارداقدا ايشيق، 182 هفته بويونجا  " نیویورک تایمز "  سيياهيسينده قالماسييلا بوتون قاباقکي رئکوردلاري قيردي. مدرسه لرده ده بئله پوئزيياني (شعری) شئلين پوئزييالاري ايله اواشاقلارا تانيتماغا باشلاييرديلار. شئل بير نغمه کار شاعيري کيمي اوزون، مووففقيتلي بير کاريئرايا صاحيبدير. Irish Rovers  اوچون يازديغي خالق سئوه ر  " تکبوينوز ماهنيسي (5)"  و  "Postcards from the Edge "  فيلمي اوچون يازديغي  " (من حساب وئريرم)(6)"  1991-ده اوسکار موکوفاتی اوچون ناميزدله نميشديرلر. 1984-ده اؤزو دانيشديغي و ماهنيلاريني اوخودوغو  " سه کي  قورتاران يئر"  آلبومو، ان ياخشي اوشاقلار آلبومو سئچيله رک Grammy موکافاتيني قازانیر. شئل بير سئري ماهنيلاريني اؤزو ايفا ائتمييشدير و باشقالاريني ايسه دوستلاري اوچون يازميشدير، نومونه سي 1988-ده Waylon Jennings, Mel Tillis, Bobby Bare, Jerry Reed کيمي اؤلکه اولدوزلاري اوچون يازيلان  " قوجا ايتلر(7) " ؛ ياخود قديم دوستو Pat Dailey ايله برابر حاضيرلاديقلاري سون اوشاقلار ايشي  " سوالتي اؤلکه(8) ".

  شئل گرينويچ کندينده، کيوئستده، مارتانين اوزوم باغيندا، ساوساليتو و کاليفورنييا-دا واخت کئچيرمگي سئوردي. دونيادان کؤچنه کيمي (1999، ماي آيي) پيئس، ماهني، پوئما، داستان يازماغا و رسم چکمه يه داوام ائتدي؛ اؤز دئديگي کيمي  " خوش واخت ايدي ".

  او خوش واختليق لار، جاذيبه لي  " سوالتي اؤلکه " -ده گؤستريليب. بو اثرين 17 تراکي شئلين جسارتلي ظارافاتچيليغي ايله Dailey-ين جاذيبه لي اوخونوش طرزي نين حاصيليدير. اؤزو ايستحصال ائتديگي بو CD عجاييب ايشلريني گؤسترير. بو CD اوليمپيا رئکوردز طرفيندن حاضيرلانميشدير. 

  کيتابلاري: 

• Grab Your Socks! (1956)
• Now Here's My Plan (1960)
• Uncle Shelby's ABZ Book (1961)
• A Playboy's Teevee Jeebies oh la la (1961)
• (Uncle Shelby's story of) Lafcadio: The Lion Who Shot Back (1963)
• A Giraffe and a Half (1964)
• The Giving Tree (1964)
• Who Wants a Cheap Rhinoceros? (1964)
• Uncle Shelby's Zoo (1964)
• More Playboy's Teevee Jeebies (1965)
• Where the Sidewalk Ends (1974)
• The Missing Piece (1976)
• Different Dances (1979)
• A Light in the Attic (1981)
• The Missing Piece Meets the Big O (1984)
• Falling Up (1996)
• Draw a Skinny Elephant (1998)
• Runny Babbit (2005) (published posthumously)

  پوئمالاريندان نئچه نومونه: 

Original	تورکجه
The Queen of Hearts   She made some tarts All on a summer day The knave of hearts He stole the tarts And with them ran away The king of hearts Called for his tarts And uncle Shelby cannot continue With such a lewd nursery rhyme!	کؤنوللر کراليچه سي        کؤنوللر کراليچه سي بير آز مورببه بيشيردي    بير ياي گونونده    کؤنوللر آلچاغي    مورببه لري اوغورلادي    اونلاري گؤتوره رک، قاچيب گئتدي    کؤنوللر کرالي    مورببه لريني ايسته دي    و شئلبي دايي    بؤيله يارارسيز، اوشاقجاسينا قافييه لرله داوام ائده بيلمير.

Original	تورکجه
Keep-out House   At last – I finished my keep-out house A house that`s meant for privacy, A house that`s meant for peacefulness, A house just meant for only me. There is no door where strangers knock, No window where they peek and grin. A perfect private keep-out house … Now… how do I get in?	قاداغان ائو        نهايت - اؤز قاداغان ائويمي تيکديم.    خوصوصي حيات اوچون نظرده توتولموش بير ائو    دينجليک اوچون نظرده توتولموش بير ائو    ساده جه اؤزوم اوچون نظرده توتولموش بير ائو    نه اؤزگه لرين دؤيه جه یي بير قاپيسي وار،    نه ده اوندان گيزليجه باخيب قيميشاجاقلاري بير پنجره سي.    موکممل شخصي بير قاداغان ائو…    ايندي… نئجه ايچري گيريم؟

انیمارالدا تورکجه یه چئوریلدی, 2007

آلت یازیلار:

(1)   Career: بیر صنعتکارین, صنعتی اوزره چالیشاراق یاشادیغی دؤور

(2)   Where the Sidewalk Ends

(3)   A Light in the Attic

(4)   Falling Up

(5)   Unicorn Song

(6)   I’m Checking Out

(7)   Old Dogs

(8)   Underwater Land