انیمیشن کينوسونون مئيدانا گلمه نؤقطه سي 

  انیمیشن کينوسونون دا، جانلي فيلم (Live Action) کينوسونون دا وارليغي گؤرونوش ثابيتليگي (Persistence of Vision) قانونونا دايانسا دا، بو ايکي کينو طرزينده حرکتين قاورانيلماسيني ساغلايان چرچيوه لر سئريسي ايکي فرقلي يؤندمله الده ائديليرلر. عومومی آنلامدا آنيماسييانين ان تمل تئخنيک آلتلري ايز آلا بيله جک بير سطح و بو سطح اوزرينده ايز بيراخا بيله جک بير شئيدير. بو آلتلر ايله حاضيرلانان چرچيوه لر (frame) کامئرا واسيطه سي ايله لئنت اوزونه چکيليرلر. ليو آکشئن کينودا چرچيوه لر سئريسي، گئرچک نسنه لرين لئنت اوزونه چکيلمه سييله الده ائديلير.

  آنيماسييادا نسنه لرين فورماسي خط ايله يئنيدن بير سطح اوزرينده چکيلديگينده ايستر_ايسته مز، تصوير موجرردله مه سي باش وئره جک. گؤرونتولر واسيطه سييله قورولا بيله جک يئني بير حقيقت ياراتما يولوندا، آنيماسييا، ياراتما پروسئسي نين اساسي خطه سؤيکندگي اوچون جانلی فیلم کينوسوندان فرقليدير.

  آنجاق بو ايکي کينو طرزي نين تمل فرقلرينه باخميياراق ايلک انیمیشن فيلملري چاشديريجي بير شکيلده ائله ده موستقيل بير طرز اولاراق اورتايا چيخماميشدير. جانلی فیلم کينوسو ايچينده صحنه صنعتلرينه باغلي اولاراق اورتايا چيخان ايلک آنيماسييا فيلملري، وار اولدوقلاري دؤورون گتيرديگي قايدالارا دا باغلي اولاراق، جانلی فبلم کينويا ياخين بير دوروشو و ائستئتيکي منيمسه ر کيمي گؤرونور. آنجاق جانلی فیلم کينوسوندان فرقلي بير طرز اولدوغونون فرقينده اولان اؤرنکلره ده راست گله بيليريک. صيفير نؤقطه دن يولا چيخان اؤنجولرين فيلملري، يئني صنعتين تقديم ائتديگي ايمکانلاري نين هله تانينماديغي اوچون ائرکن دؤور آنيماسيياسي نين قرارسيز بير صنعت اولماسينا يول آچمیش. 

  آنيماسييا کينوسو وار اولمادان اؤنجه، بير سالون ايلنجه سي اولاراق ايستيفاده ائديلن ايلديريم ائسکيزلر (Lighting Sketch), خطلرين دييشمه سي ايله بير حيکايه سؤيله نيله بيلجه یي فيکريني اورتايا بوراخميشدي. بو ايسه تمل کونتور خطلر (فورمالاري موعينلشديرن خطلر) ايله سورعتله بير شکيلين چکيلمه اثناسيندا، خطلر چکيلديکجه شکيللرين آنلاملاري نين دييشمه سي، شکيللرين باشقا شکيللره چئوريلمه سي و بئلجه شکيل تاماملانديغي زامان دراماتيک بير حئکايه نين سؤيلنمه سيدير

.

  طراح، بوش بير رسم تاختا سي نين اؤنونده دورار و رسم لرله بير مونولوق روايت ائدر. بورادا، اؤنجه بير دنيز منظره سي چکیر. سونرا علاوه  ائتديگي تفصيلات بو گؤرونتونوبیر قيش گونونون گون باتيمينا چئويریر، داها سونرا  " چرخ " ه (ايکي تکه رليیه) چئويرر و سونوندا دا چرخ سوره ن اورتايا چيخیر. نوماييشین دادي بير_ايکي جيزگي نين عمله گتيرديگي دييشمه و رسمين سورعتله چکیلمه سینده دیر.

  فلاش ائسکچلرين فوتوقرافييا حيله سي (Trick Photography) ایله فيلم اوزونه چکيلمه سي يولو ايله آنيماسييا فيلمي ساييلمايان بعضي چاليشمالار اولموشدو. 1900 ايلينده بلکتون_ون (Blackton) چکديگي "سئحيرلي رسم" (The Enchanted Drawing) فيلمي، بو منطيغه سؤيکنه رک چکيلميشدير. آنجاق رسملرين حرکتي آتلانيشلي اولدوغو اوچون، ايلک جيزگي فيلمي ساييلا بيلمز. بلاکتون_ون 1906_دا چکديگي "گولمه لي اوزلرين گولونج دييشمه سي" (Humorouse Phases of Funny Faces ) آدلي ايکينجي فيلمينده، فلاش ائسکچ قايدالارينا اويغون اولاراق قارا تاختا اوزونده چکديگي اوزلرين کسينتيسيز حرکتلري بو فيلمين ايلک آنيماسييا فيلمي اولاراق تانينماسيني ساغلاییر.

  ايلک دؤور آنيماسييا فيلملرينه باخديقدا، دؤورون صحنه صنعتلر ايله نه قدر ياخين بير علاقه ده اولدوغو آيدين اولور. کميک استریپ (Comic Strip) تاثيريندن داها چوخ، قرافيکا و صحنه صنعتلري بیرگه ايستيفاده اولوناراق قورولان فلاش ائسکچ نوماییش لری ايله ايلک آنيماسييا فيلم لري آراسينداکي علاقه  داها اؤنمليدير. نئجه ده کي آنيماسييا کينوسونون ايلک اؤرنه یي جانلی فیلم کينوسونو دا اؤز ايچينه آلماقدادير.

بو ايکي ايلک فيلمين آرديندان گلن ائميل کوهل_ون (Emile Cohl) 1908_ده چکديگي فانتاسماقوريئه (Fantasmagorie) فيلمينده، جيزگي لر مورککب له کاغیذ اوزرينه چکيليب اورادان فوتوشکيلله نميشدير. رسم تاختاسي نين آرادان قالديريلماسي، بو فيلمين بير آدديم داها آنيماسييا کينوسونا ياخينلاشماسي آنلامينا گلير. کوهل_ون و باشقالاري نين بوندان سونرا گلن فيلملرينده ايسه، هر ايکي يؤندم ايشلنميشدير.

  بورادا اؤنملي اولان، آنيماسييا فيلمي صحنه لرينين نه لر ائحتيوا ائتديگيدير. طبيعي کي جانلی بير موحيط ايچينده وار اولان، چرچیوه لری گؤرونن بير قارا تاختانين اوزرينده کي  رسم لر، رسسامين بدنيني يا دا اليني ايچينه آلان ايلک آنيماسييا فيلم لري، جانلی فیلم کينوسونون تقديم ائتديگي گئرچکليکدن (حقیقت) اوزاقلاشيرسا دا، يئني بير گئرچکليک تقديم ائده جگیندن هله اوزاقدادير.

انیمارال_دا یازیلدی، 2008

قایناق: Animasyonun Önlenemez Yükselişi / Yazar: Özge Samancı