|
انیمیشن کينوسونون مئيدانا گلمه نؤقطه سي |
|
يازان: Administrator
|
|
30 بهمن
1387,ساعات
13:45:38 |
|
انیمیشن کينوسونون مئيدانا گلمه نؤقطه سي انیمیشن کينوسونون دا، جانلي فيلم (Live Action) کينوسونون دا وارليغي گؤرونوش ثابيتليگي (Persistence of Vision) قانونونا دايانسا دا، بو ايکي کينو طرزينده حرکتين قاورانيلماسيني ساغلايان چرچيوه لر سئريسي ايکي فرقلي يؤندمله الده ائديليرلر. عومومی آنلامدا آنيماسييانين ان تمل تئخنيک آلتلري ايز آلا بيله جک بير سطح و بو سطح اوزرينده ايز بيراخا بيله جک بير شئيدير. بو آلتلر ايله حاضيرلانان چرچيوه لر (frame) کامئرا واسيطه سي ايله لئنت اوزونه چکيليرلر. ليو آکشئن کينودا چرچيوه لر سئريسي، گئرچک نسنه لرين لئنت اوزونه چکيلمه سييله الده ائديلير. آنيماسييادا نسنه لرين فورماسي خط ايله يئنيدن بير سطح اوزرينده چکيلديگينده ايستر_ايسته مز، تصوير موجرردله مه سي باش وئره جک. گؤرونتولر واسيطه سييله قورولا بيله جک يئني بير حقيقت ياراتما يولوندا، آنيماسييا، ياراتما پروسئسي نين اساسي خطه سؤيکندگي اوچون جانلی فیلم کينوسوندان فرقليدير. |
|
سون يئنيلنمه تاريخي ( 01 اسفند
1387,ساعات
20:23:23 )
|
|
يازينين آردي ...
|
|
|
يازان: Administrator
|
|
01 اسفند
1387,ساعات
14:16:37 |
|
کماالدين بهزاد ايرانين دونيا شؤهرتلي رسسامي، کماالدين بهزاد تخمينن 838 هئجري_شمسي ايلينده هرات_دا آنادان اولوب. بعضيلري نين دئديگينه گؤره اوشاقليقدا يئتيم قالديغي اوچون رسسام ميرک (خوراسانلي ميرک) اونو اؤز حیمایهسي آلتينا آليب، اؤز اؤيودلري ايله اونا يول گؤستريجيليک ائدر. بئهزاد بونونلا ياناشي ميرک_ين باخانليغي آلتيندا ایداره اولونان سولطان حسین کيتابخاناسيندان ايستيفاده ائدير، اورايا گليب گئدن صنعتچيلرله ياخين علاقه قورا بيلير. بئهزاد او زامانلار نئچه مودت، اوستاد پير سيد احمد تبريزلي نظري آلتيندا رسسامليق اؤيره نير. او دؤور بئهزادين يوکسک رسسامليق ايستعدادي اوزه چيخير. او بئله کؤهنه رسسامليق قايدالاري ايله ده راضيلاشماييب اؤزونه مخصوص يئني قايدالار ايله رسملر چکير. بئهزادين بو يوکسک ايستعدادي هرات_ين بؤيوک باشلاري نين ديقتيني چکير. |
|
سون يئنيلنمه تاريخي ( 01 اسفند
1387,ساعات
20:25:52 )
|
|
يازينين آردي ...
|
|
|
حرکت بيچيمي و زامانلاما (Timing) |
|
يازان: Administrator
|
|
29 بهمن
1387,ساعات
07:26:05 |
|
حرکت بيچيمي و زامانلاما(Timing) نييوتونون حرکت قانونلارينا گؤره هر حرکتين نئجه لیگی اونو ايجاد ائدن سببلردن و حرکت ائليين جيسمين فيزيکي اؤزلليکلريندن آسيليدير. باشقا سؤزله هر حرکت اؤزل بير " بيچيمه " ماليکدير. انیمیشن صنعتينده ايسه طبیعی " حرکت بيچيمي " ، " زامانلاما " ايله يامسيلانير. آنجاق،، آنيماسيا بيرنؤو اینجه صنعت اولدوغو اوچون يالنيزجا طبیعی حرکتلرين تقليد ائديلمه سي ايله محدودلاشماز. حرکت بيچيمي، حرکتين نه حيسسي بیان ائده جه ییندن و انيماتورون ذؤوقونه باغلي، اؤزلليک له فانتئزي فيلملرده چوخ واخت لار فيزيک قانونلارینی پوزاجاق قدر بئله ايره ليله يه بيلر. ميثال اوچون، بير فيل گؤيدن يئره دوشوب توپ کيمي گؤيه گئري قالخير. بو حرکت فيزيک عالمينده مومکون بير حرکت دئييلسه ده فانتئزي و کوميک بير انیمیشن فيلمي اوچون يارارلي بير حرکت بيچيمينه ماليکدير. زامانلاما مؤوضوسونا گيريشمه دن اؤنجه آنيماسييا صنعتينده زامان اؤلچوسونو اؤيرنمه یيميز واجیبدیر. |
|
سون يئنيلنمه تاريخي ( 30 بهمن
1387,ساعات
08:08:54 )
|
|
يازينين آردي ...
|
|
|
<< اوول < قاباقکي 1 2 سونراکي > سون >>
|
| صحيفه 5 - 7 ...دان 7 |
